विमानस्थल पुगेका प्रधानमन्त्रीलाई शान्ता चौधरी कडा सुझाव

काठमाडौं, ८ असार । अफगानिस्तानमा मारिएका नेपालीको शव बुझ्न त्रिभुवन अन्तर्राष्ट्रिय विमानस्थल पुगेका प्रधानमन्त्री केपी शर्मा ओलीलाई पूर्व सभासद शान्ता चौधरीले तार्किक सुझाव दिएकी छिन् ।

प्रधानमन्त्री विमानस्थल जाने खबरले उत्साहित शान्ताले सामाजिक सञ्जालमार्फत प्रधानमन्त्रीको संवेदनशिलता प्रशंसनीय रहेको उल्लेख गरेकी छिन् । उनले सुझाव दिँदै भनेकी छिन्– ‘यो दुखदायी घटनाको घडीमा स्वदेशमै पर्याप्त रोजगारीको दृढ संकल्प प्रधानमन्त्रीबाट होस ।’

यस्तो छ शान्ताको सुझावः
मृत्यु आफैमा दुखदायी अनि परदेशमा झनै पिडादायी, मृतकको शव लिन प्रधानमन्त्री एयरपोर्टमा जाने खबर, यो कुनै सस्तो लोकप्रियता होइन, दुःखद घटनामा प्रधानमन्त्रीको संवेदनशिलता प्रशंसनीय छ । तालिवानलाई कारवाही गर्ने हैसियत नेपाली प्रधानमन्त्रीको नहोला तर तालिवानी आतंककारीविरुद्वको अप्रेशनमा प्रधानमन्त्रीले कम्तीमा एैक्यवद्वता प्रकट गर्दै आतंकवाद विरोधी लडाइमा नेपालको साथ रहने प्रतिवद्वता व्यक्त गरुन । यो दुःखदायी घटनाको घडीमा स्वदेशमै पर्याप्त रोजगारीको दृढ संकल्प प्रधानमन्त्रीवाट होस ।