३ जना मिलेर १३ वर्षीय बालिकाको सामुहिक बलात्कार

नवलपरासी,  । नवलपरासीको कावासोतीमा १३ वर्षीया बालिकामाथि सामुहिक बलात्कार भएको छ ।

घर नजिकै खेलीरहेको अवस्थामा ३ जनाको समूहमा आएका युवाहरुले समातेर फुटबल चौरमा लगेर सामुहिक बलात्कार गरेका हुन् ।

इलाका प्रहरी कार्यालय नवलपुरका प्रहरी नायव उपरीक्षक परशुराम तिवारीले बालिकामाथि तीन जनाले सामुहिक बलात्कार गरेको र तिनिहरुको पहिचान समेत भएको बताए । उनीहरुका नाममा किटानी जाहेरी समेत परेको भए पनि बलात्कारमा संलग्न तिनै जना भने फरार रहेको प्रहरीले जनाएको छ ।  ।

विहीबार राति घटना घटेको र गाउंलेहरुले शुक्रबार घटनाको बारेमा थाहा पाएर प्रहरीमा उजुरी दिएका छन् । बालिकालाई मेडिकल रिपोर्टका लागि अस्पताल पठाइएको छ । बालिकाको अवस्था अहिले सुधारउन्मुख रहेको बताइएको छ।