काठमाडौं, २५ फागुन, । बीपी पुत्र शशांक कोइराला नेपाली कांग्रेसको महामन्त्रीमा निर्वाचित भएका छन् । उनले निकटतम प्रतिद्वन्द्वी अर्जुननरसिंह केसीलाई ४ सय मतले पराजित गरे । गगन थापा तेस्रो स्थानमा रहे ।
कांग्रेसको १३औं महाधिवेशन अन्तरगत आइतबार भएको निर्वाचनको मतगणना मंगलबार भएको थियो । जसमा बीपी पुत्र शशांक १ हजार ४१७ मत ल्याएर विजयी भएका छन् ।
उनी रामचन्द्र पौडेल प्यानलका उम्मेदवार हुन् । सभापतिमा पौडेल शेरबहादुर देउवासँग पराजित भएपनि महामन्त्रीमा शशांकले देउवा प्यानलका अर्जुननरसिंह केसीलाई हराएका छन् ।
दोस्रो स्थानमा रहेको देउवा प्यानलका केसीले १ हजार १७ मत पाएका छन् । कृष्ण सिटौला प्यानलबाट उम्मेदवार बनेका गगन थापाले ५८४ मत पाएका छन् ।
No comments