कांग्रेस सभापति सुशील कोइरालाको निधन

ठमाडौं: कांग्रेसका सभापति सुशील कोइरालाको निधन भएको  छ । काठमामाडौंको महाराजगञ्जस्थित भतिजा सशांक कोइरालाको  घरमा  सोमबार राति १२ बजेर ५० मिनेटमा उनको निधन भएको पारिवारिक श्रोतले जनाएको छ। 

Susil Koirala

प्रमुख प्रतिपक्षी दल कांग्रेसका संसदीय दलका नेता कोइराला निमोनिया तथा ज्वरोका कारण बिरामी परेका थिए । जिब्रोमा क्यान्सर भएका कोइरालाले गत वर्षमात्रै अमेरिकाको न्यूयोर्कमा क्यान्सरको सफल उपचार गराएका थिए ।  

Dead body of Susil Koirala

इमान्दारितालाई राजनीतिकर्मीको सबैभन्दा ठूलो शक्ति ठान्ने कोइराला समकालीन नेताहरुकमा सबैभन्दा सादा जीवन व्यतीत गर्ने मध्येमा एक थिए । प्रधानमन्त्री छँदा उनको सम्पत्ति मात्र तीन वटा मोबाइल रहेको खबरले चर्चा समेत पायो र विदेशी सञ्चार माध्यमहरुले उनलाई विश्वकै गरिव प्रधानमन्त्री समेत भने ।

पाँच दशक राजनीतिमा बिताएका कोइरालाले ०४६ सालपछि कांग्रेस नेतृत्वमा पटक-पटक सरकार बन्दा पनि मन्त्री पद अस्वीकार गरेका थिए। समकालीन नेताहरूमध्ये कोइरालाको जीवनशैली निकै सादा मानिन्थ्यो।  अहिले कोइराला पार्टीको १३ औं महाधिवेशन गराउने तयारीमा थिए । 

सुशीलको पार्थीव शरीर ८ बजेदेखि सानेपामा राखिने !

कांग्रेस को महाधिबेशनका सबै  कार्यक्रम स्थगित !