यस्ता लक्षण देखिएमा मृगौला फेल भएको बुज्नु होस !

शरीरको महत्वपूर्ण अङ्ग मृगौलाले काम गर्न छोडेपछि उपचार जति महँगो र झन्झटिलो छ त्यो भन्दा धेरै गुणा सजिलो छ यसको पहिचान र समयमै उपचार ।

सामान्य परीक्षणले मृगौलाको अवस्था थाहा हुने र समयमै उपचार सजिलो भए पनि मृगौला रोगीको सङ्ख्या भने दिनानुदिन बढ्दो छ । विश्व स्वास्थ्य सङ्गठनका अनुसार संसारभर dash प्रतिशत मानिस मृगौला सम्बन्धी समस्याबाट ग्रस्त छन् । सोही आँकडालाई आधार मान्ने हो भने, नेपालमा पनि करिब २७ लाखलाई मृगौला सम्बन्धी कुनै न कुनै समस्या भएको अनुमान गर्न सकिन्छ । तीमध्ये दश प्रतिशत अर्थात् दुई लाख सत्तरी हजारको मृगौला बिग्रिने गरेको छ भने प्रत्येक वर्ष दुई हजार सात सयको मृगौला पूर्ण रूपमा फेल हुन्छ । आधुनिक जीवनशैली, खानपान, व्यस्तता, तनाव आदिका कारण सृजना हुने विभिन्न ‘रिस्क फ्याक्टर’ले मृगौला फेल हुनेहरूको सङ्ख्या बढाउँदै लगेको हो ।

लक्षण :

– शरीर दुब्लाउँदै जाने

– पिसाब कम हुने र पोल्ने

– शरीरका विभिन्न अङ्ग सुन्निने 

– पिसाब भइरहने

– पिसाबमा रगत देखिने

– थोरै हिँड्दा पनि थकाइ लाग्ने

– सास फेर्न गाह्रो हुने

– महिनावारी समयमा नहुने

– यौन रुचि घट्दै जाने

– प्रजनन दरमा कमी आउने

– ढाड र कम्मर दुख्ने

– कोखा दुख्ने, ज्वरो आउने

– खानामा रुचि घट्ने

– पिँडौलाको मासु फर्किने

– वाकवाकी लाग्ने

– छाला सुख्खा हुने र चिलाउने

– उच्च रक्तचाप हुने

– रगतको मात्रा कम हुँदै जाने