भत्किएका घर पन्छाउने क्रममा हिसिला यमीसहित ४ जना घाइते

१८ जेठ, काठमाडौं । काठमाडौंको डल्लुमा भूकम्पबाट क्षति पुगेका घरहरु पन्छाउने क्रममा एमाओवादी नेतृ हिसिला यमी सहित ४ जना घाइते भएका छन् ।

क्षेत्र नं. ८ मा पर्ने काठमाडौं १५ डल्लुमा बाटोछेउको सानु शाक्यको भूकम्पले क्षति पुर्‍याएको घर भत्काउँदै गर्दा यमी सहित निर्मल विक, ताराबहादुर रानाभाट र जीतबहादुर तामाङ घाइते भएका हुन् ।

स्वयंसेवा अभियान अन्तरगत सोमबार काठमाडौं निर्वाचन क्षेत्र नं. ७ र ८ को स्वयंसेवक टोलीले सहरका भित्री भागका १० वटा घरहरु पन्छाउने र बाटो खुलाउने काम गरेको छ ।

एमाओवादीले स्वयंसेवा अभियान अन्तरगत काठमाडौं निर्वाचन क्षेत्र नं. ७ र ८ को इन्चार्जमा हिसिला यमीलाई जिम्मेवारी दिएको छ । आजको अनलाइन खबरमा खबर छ ।