यसरि बने झुटको सहारा लिँदा मोदी फेरी मजाकका पात्र

१८ मंसिर, काठमाडौं । बाढी प्रभावित तमिलनाडुलाई ढिला वास्ता गरेको भन्दै आलोचना भएपछि भारतीय प्रधानमन्त्री नरेन्द्र मोदीले बिहीबार हवाइ निरीक्षण गरे । र, १ हजार करोड सहयोगको घोषणा गरे ।
तर, मोदीको प्राविधिक टीमले बाढी पीडितप्रति मोदी संवेदनशील छन् भन्ने सन्देश दिन प्राविधिको दुरुपयोग गरे । जुन लुक्न सकेन र भारतीय प्रधानमन्त्री मोदी फेरि एकपटक मजाकको पात्र बनेका छन् ।
बाढी प्रभावित क्षेत्रमा निरीक्षणका क्रममा चेन्नइमा हेलिकोप्टर निकै तल ल्याउन लगाए । उनले हेलिकोप्टरको झ्यालबाट बाढी प्रभावित क्षेत्र हेर्न खोजे । तर, निकै धमिलो देखियो । त्यही तस्वीर उनले तत्कालै ट्वीट गरे ।

तर, फेरि अर्को ट्वीट आयो, जसमा मोदीले हेलिकोप्टरको झ्यालबाट प्रष्ट बाढी प्रभावित क्षेत्र देखिएको छ । यसका लागि उनको टीमले फोटोसपको सहारा लिएर अर्के तस्वीर लिएर कपि पेष्ट गरिदिए जुन धेरैबेर लुक्न सकेन ।

र, समाजिक सञ्जालमा मोदी मजाकको पात्र बने । मोदीले अन्तरिक्षमा गएर हेलिकोप्टरको झ्यालबाट हेरिरहेको तस्वीर ट्वीट गर्दै बीबी नामक प्रयोगकर्ताले लेखेका छन्, जब कुनै देश भ्रमण गर्न बाँकी रहेन ।’